Behgjet Pacolli është rizgjedhur kryetar i Aleancës Kosova e Re (AKR).

Këtë e ka bërë të ditur vet Pacolli përmes një postimi në Facebook, shkruan abrresh.info

Sipas tij, AKR rikonfirmoi mbështetjen e saj për udhëheqjen e mëtejshme të partisë nga ana e tij.

“Sot, Aleanca Kosova e Re rikonfirmoi mbështetjen e saj për udhëheqjen e mëtejshme të partisë nga unë dhe hapjen e një kapitulli të ri ku AKR-ja do të prezantohet si alternativë liberale në vend në fokus të zhvillimit ekonomik, ekonomisë së lirë të tregut dhe pro-biznesit, politikë që mundëson krijimin e vendeve të reja të të punës. Kosova është në një moment kritik ku më shumë se kurrë ka nevojë për unitet dhe konsensus për temat kryesore, bota po ndryshon dhe ne duhet të gjejmë vullnetin për të kapërcyer sfidat e mëdha së bashku”, shkruan Pacolli.

AKR sipas tij, do të kthehet me një vizion, program dhe ekip të ri që do të ofrojë alternative politike dhe ekonomike në vend./arbresh.info/